سرگرمی ُهنری و خبری

سرگرم کننده

سرگرمی ُهنری و خبری

سرگرم کننده

تورکی شعرلر

سیز لر اوچون سچیلمیش تورکی شعر لر 

 

سنی اونوتسام… 

   

  من سنی اونودا بیلمیرم، آخی 

  اونوتسام نه لری اونودام گرک 

  گؤیلره باخمیشیق آیلی گئجه ده 

  اونوتسام گؤیلری اونودام گرک! 

   

  دنیزی اونودوم، یا دالغالاری 

  خاطیرن یادیمدان چیخایدی باری 

  پاییزدا خزانی، قیشداسا قاری 

  باهاردا گوللری اونودام گرک! 

   

  دئ نئجه اونودوم من سنی نئجه؟ 

  سئوگی دورنا دئییل پاییزدا کؤچه 

  یوخوما گلیرسن منیم هر گئجه 

  آیلاری، ایللری اونودام گرک! 

 

  سنین خیالیندیر هسرتله باخان 

  آدیندیر هر ساعات قارشیما چیخان 

  قاریشیب شکلینه گؤزومدن آخان 

  یاغیشی، سئللری اونودام گرک! 

   

   سینمده پشیمان اورگیم قالدی 

  اوچدون اللریمده لعلگیم قالدی 

  نه لری ایتیریب، باخ نییم قالدی 

  نه لری، نه لری اونودام گرک! 

 

نصرت کسمنلی

 

********

 

بیر یول اوسته

راستلاشدیق اوز-اوزه

نادان دئدیک بیر- بیریمیزه

آیریلدیق

ایکیمیزده بیر-بیریمیز حاقدا

زورنا چالا-چالا

سن من گلن یولا گئتدین

من سن گلن یولا

 

 

 

 

میلت گوجه گلمیش

————————– 

میلت چیغیریر تورکم هارای حاقیمی دانما

دولت باغیریر کس سسیوی آنلاما قانما

فرمان بوراخیر وور باتومو , ووردولار آما

سانکی خوروزون اوستونه  نارین جوجه گلمیش

 

دونیا گوزون آچسین کی بو میلت گوجه گلمیش

 

روحوم آچیلیب لذت آلیر ائل یوروشوندن

زنجیری قیران سانکی چوروک تئل یوروشوندن

تاریخ یارادان تبریزیمین سئل یوروشوندن

گوندوز یوروشه باشلاییب آخیر گئجه گلمیش

 

دونیا گوزون آچسین کی بو میلت گوجه گلمیش

 

تورکون بئشیکی اورمیه طوفان قوپاریبدیر

تورپاقلارینا گوز تیکه نه گوز قوپاریبدیر

نعمتلی موغان سون سوزو سویلر قوتاریبدیر

قات قات قالانیب دردلری چون لاپ دیبه گلمیش

دونیا گوزون آچسین کی بو میلت گوجه گلمیش

 

دان اولدوز تک پارلاییر اولکمده بیر اولدوز

پاک ائتمیش حلال امدیگینی سود آنا تومروز

قافلان سایاغی قارتال اولوب قایغیلی سولدوز

حاقیم تالانیب سویله یرک گور نئجه گلمیش

 

دونیا گوزون آچسین کی بو میلت گوجه گلمیش

 

خوی تاریخی, بیر گوزگو کیمی گوز قاباغیندا

یاد ائلی لره دیز چوکوروب اوز قاباغیندا

زنگان دایانیب اون جیبهده گوز قاباغیندا

گوجلر بیر اولوب داغ کیمی گوجدن گوجه گلمیش

 

دونیا گوزون آچسین کی بو میلت گوجه گلمیش

ائل لر , قوشا چایلار, مییانا هایدیر هارایدیر

زونوزلا, ساراب, داش ماکیدا گور نئجه هایدیر

قئیرتلی مرندین بوروشو تبریزه تایدیر

ائل لر بیر اولوب میلته بیرلیگ وجه گلمیش

 

دونیا گوزون آچسین کی بو میلت گوجه گلمیش

 

ای آستارامیز, شانلی فریدون گوزو سنده

قالخ اردبیله یاردیم ائله شور ائله سنده

مئشگینله, اهر قان دوغورموش بیلیسنده

دوشمن گیجلیب اوستوموزه گیج گیجه گلمیش

 

دونیا گوزون آچسین کی بو میلت گوجه گلمیش

 

ای علم اوجاغی,ای ماراغا حوسنووه حیران

قاخدین آیاغا قئیره تیوی ائیلدین اعلان

چیخ بیر رمده قایناشیری میلیونی تهران

سانکی عرفاتدا حاجیلاردیر حجه گلمیش

 

دونیا گوزون آچسین کی بو میلت گوجه گلمیش

 

بیر عصری دیکی جان وئریسن قان وئریسن قان

چاتمیش زامانی اوزلویوون , سئوگیلی جانان

جنت بوجاغی, علم اوجاغی , آذربایجان

چوخداندی زامان سنله یامان بیر لجه گلمیش

آمما یئمه قم بیرداها میلت گوجه گلمیش

حاقیم تالانیب سویله یره ک گور نئجه گلمیش

 

دونیا گوزون آچسین کی بو میلت گوجه گلمیش

 

 "حسن دمیرچی "       

ساوالان

                           اوستاد هوشنگ جعفری زنگانلی 

 

 

اوچور ایلهامیم او قوشلار کیمی کی

یاز وعده سینده

قووزانیر ماوی گؤیه تا اوجا باش بیر داغا قونسون

کؤرپه قارتال کیمی دیر

گاه چکیلیر گرزده ن ایتینجه ک

اگله نیر گاه ساوالان عشقینه – آغدان – آغاقونسون

هر اوجا داغ کی گؤرورسن باشی قاردلا آغاراندی

اورا بیل کی ساوالاندی

آمما یوخ !

هر اوجا داغ سسیمی السا دا تئز قئیته ره جکدی

سسی قئیته رمک همان یئل بیله جکدی

آخی یئل یولچودو گئتگین اوکی سؤز ساخلایا بیلمز

یئل سؤزو قاپدی قاچیردار اونو کیم هاخلایابیلمز

یئل گئدرگیندی پیچیللارسؤزوکوللار قولاغیندا

سؤزو قربان ائله یر قیرنادا قانقال آیاغیندا

چئویره ر سؤز چاناغیندا

جالایارداغلارا هر بیر سؤزو مین سؤز تؤره دندی

بیلمیرم سیرری ندندی

یئل گئده ر گیندی یئلی ساخلاماق اولماز

یئله بئل باغلاماق اولماز

 

آمما سن ای سؤزو سینه نده کؤزردن ساوالانیم

کیم گله صدقله زرتشت بئجردن ساوالانیم

ائلیمین شانلی داغی باشیوه مین لرجه دولانیم

اریدیب ائل غمی بیر یول سنی کؤکدن ده تالانسان

سئل اولوب قانلی دنیز لر کیمی دونیایه جالانسان

آدی دیللرده قالاناسان

ساوالانسان ، ساوالانسان

ساوالان ائل غمینی بللی دی ساخلار سینه سینده

سینه سی کؤزدو آلودور گیزیریک اینسی سی واردیر نفسینده

شاعرین غملی سه سینده آلگیلان ساخلاسن ای ائل داغی غملی قفسینده

ساوالان آلسادا هر سیرری سؤزو داغلارا سالماز

گؤره نامرد دوروبدور ساوالاندان سس اوجالماز

ساوالاندا تؤکولن داشلاری دیندیر دانیشاللار

سالسا عاشیق نفسین کوللارا آلیشاللار

ده ده قود سازی چالسا

ده لی دومرول باش اوجالدار

بلی البته کی یولداس باشینی یولداش اوجالدار

سسله عاشیق سازی چالسین

سسی میز بیرده اوجالسین

اویناماقلیز گی یه دؤنسون

کاس شوشمگوزگویه دؤنسون

قوی وئره ک سس سسه باهم اوخویاق بیر ده کوراوغلو دلی سیندن

هجرین قوچ نبی سیندن

اوکی ظالیملری مظلولارین اوستونده ازه ردی

او کی آسلان کیمی داغلاردا یاتیب باغدا گزه ردی

اوخو عاشق اوخو

سن بیل او کی تانری تانییبسان

سؤزومه دوز جالییبسان

سوموگوم قوی سازا گلسین

بولبولوم آوازا گلسین

یازمیشام ایوازا گلسین

گوچ آلاق قوی دلی لردن

باج آلاق اجنبی لردن

او کی بیلمیر نبی کیمدیر قویون آذرائلینی مسخره سانسین

بیر عؤمور دورکی فضولی نی –  نسیمی نی دانیب ایندی ده دانسین

شهریار تک سن اوجالت باشیوی قوی عرشه دایانسین

قوی باخار کور تر ایچینده جوموبان اؤلسون – اوتانسین

اوکی آخساخدی یوبانسین

اوکی تورکون دیلین اسگیتمه گه تصویره سالیبدیر

اوکی تورکون بالاسین ایندی ده آشغالچی سانیبدیر

او تفاله بیلیرم فیکیرینی طاغوتدان  آ لیبدیر

او رژیمدندی قالیبدیر

یوخسا تورکون بالاسیندا نچیخیب علامه ی دوران

اونا دونیا باش ا ییر فلسفه ده

بیر جه نه ایران

قوی دئییم شهریاریمدان

نیسگیل او چرچی یه قالسین کی جواهر نه دی ، قانمیر

فیکری آللاتما دادیر خالقی ،ائلین حالینه یانمیر

اریمیر ، اؤلمور ، اوتانمیر

آخی ای قاردا ، دوماندا باش اوجالدان ساوالانیم

غمی ، دونیا نی قوجالدان ساوالانیم

ائل بیلیر داغلار آرا هراوجا داغلار باشی سن سن

وئرسهنده الیوی قارداشیوین سیر داشی سن سن

وئر گیلن بیر لیک الین بیرده دماونده اونون یولداشی سن سن

اوندان آیریلما آماندی

یولوموز چندی دوماندی

قوی ایگیدلر سیزه فخر ائیله ییبن باشان اوجالتسین

قویما قارتال دولانان یئر لره قوز غون الی چاتسین

ساوالان چنلی چاغیندا

منیم ایلهامیم اولارکن

کؤنلوم اؤز سرری سؤزون صدق ایله سؤیلر ساوالانه

ساوالان کؤز قالادار شاعر اولانلار سینه سینده

اوردا زرتشت گئیب تانریدان ایلهامین آلانه

اگیرم باش ساوالانه ، اگیرم باش ساوالانه

شاعر بولود قارا چورلو

 

 آراز

 

    من آرازین آدیلان                     چوخ زماندیر تانیشام

 

ان کیچیک یاشلاریمدان              اونو روانلامیشام

 

قوجا بابام نه واخت کن             بوغازیم آغرییاردی

 

آراز کئچمیشه م دئیه                بوغازیمی سیغاردی  

 

سوروشاردیم:-آی بابا                آراز نه دیر کئچمیسه ن؟

 

نه کیمی شئیدیر او کی             سویوندان دا ایچمیسه ن؟

 

سئوالیمدان بابامین                   یاشالاردی گؤزلری

 

اوزونون چینلرینده                      گی زله نردی کدری

 

اوزومه مایوس، مایوس               باخیب دئمزدی بیر سؤز،

 

گؤرردیم آنجاق اولوب                  اونون توکلری بیز بیز

 

سونرادا قارداشیمین                   آدین قویدولار آراز،

 

لکن اوندا دا منه                        آیدینلاشمادی بو راز

 

آنجاق آراز بئشیکده                    یاتیب ییرغانان زامان

 

بو سؤزلری دینلردیم                    آنامین لایلاسیندان.

 

آرازی آییردیلار،                          قوم ایلن دویوردولار،

 

من سندن آیریلمازدیم،                ظولمونن آییردیلار

 

سورو – گؤره سن کیمدی خطاکار

گوره سن کیمدی خطاکار ؟؟؟؟؟

 

 

 

فلکین قانلین الیندن بیر آتلمیش یئره اندی

 

بیر فلاکت آنانین جان شیره سیندن سوتون امدی

 

بوللی نیسگیل شله سین چینینه آلدی

 

تای توشوندن دالی قالدی ساری گل مثلی سارالدی

 

گونو تک باغری قارالدی

 

درد الیندن زارا گلدی گونو گوندن قارا گلدی

 

خان چوبانسیز سئله تاپشیرسین اوزون یوردوموزا بیر سارا گلدی

 

بیر وفاسیز یار الیندن یارا گلمز سانا گلدی

 

بیر یازیق قیز جان الیندن جانا گلمز جانا گلدی

 

کئچه جکده الموت دامنه سیندن بورایا درمانا گلدی

 

بیر آدامسیز سوری آدلی،الی باغلی،دیلی باغلی!

 

سوری کیمدور؟ بیر گولدی جهنمده بیتیبدور

 

سوری بیر دامجیدور گوزدن آخاراغ اوزده ایتیبدور

 

سوری یول یولچیسیدور اَیریده یوخ دوزده ایتیبدور

 

سوری بیر مرثیه دور اوخشایاراق سوزده ایتیبدور

 

او کونول لرده کی ایتمیشدی ازلدن اودو گوزدنده ایتیبدور

 

سوری بیر گوزلری باغلی،اوزو داغلی،سوزو داغلی،اولوب

 

 هاردان هارا باغلی!

 

بوشلاییب دوغما دیارین اموب البته یاریندان ال اوزوب هر نه واریندان

 

قورخماییب شهریمیزین قیشدا آمانسیز بورانیندان نه قاریندان

 

گزیر آواره تا پا یاندیریجی دردیده چاره تاپا بیلمیر

 

چوخ سویر عشقی باشیندان آتا،آما آتا بیلمیر

 

اُوا باخ اُوچی دالینجا قاچیر آما چاتا بیلمیر

 

ایش دونوب لیلی دوشوب چوللره مجنون سراغیندا

 

شیرین الده تئشه،داغ پارچالییر فرهاد اوتورموش اوتاغیندا

 

تشنه لب قو نئجه گور جان وری دریا قیراغیندا

 

گوزده حسرت یئرینی خوشلایوب ابهام دوداغیندا

 

وارلیغین سون اثری آز قالیر ایتسین یاناغیندا

 

سانکی بیر کوزدی بورونموش کوله وارلیق اوجاغیندا

 

کوزریر پیلته کیمین یاغ توکه نیب دور چراغیندا

 

بوی آتیر رنج باغیندا قوجالیر گنج چاغیندا

 

بیر آدامسیز سوری آدلی،الی باغلی دیلی باغلی

 

سوری جان اومما فلکدن،فلکین یوخدی وفاسی

 

نقدر یوخدی وفاسی او قدر چوخدی جفاسی

 

کهنه رقاصه کیمی هر کسه بیر جوردی اداسی

 

او ایاقدان دوشه نی ایستیر،ایاقدان سالان اولسون

 

او تالانمیشلاری ایستیر گونی گوندن تالان اولسون

 

او آتیلمیشلاری ایستیر هامودان چوخ آتان اولسون

 

او ساتیلمیشلاری ایستیر قول ائدر کن ساتان اولسون

 

نئله مک قورقو بوجوردور فلکین نظمی ازلدن اولوب اضدادینه باغلی

 

قاراسیز آغلار اولانماز دره سیز داغلار اولانماز اولوسیز ساغلار اولانماز

 

گرک هر بیر گوزله بیر دانا چیرکینده یارالسین

 

بیری انسین یره گویدن بیری عرشه اوجالانسین

 

بیری چالسین ال ایاق غم دنیزینده،بیری ساحلده سئوینجیله دایانسین

 

بیری ذلت پالازین باشه چکیب یاتسادا آنجاق،بیرینین بختی اویانسین

 

بیری قویلانسادا نعمتلره یئرسز،بیری ده قانه بویانسین

 

آی آدامسیز سوری آدلی،ساچلاریندان دارا باغلی!

 

نئله مک ائیش بئله گلمیش؛چور گلنده گوله گلمیش

 

فلکین ایری کمانینده اولان اوخ آتیلاندا دوزه دگمیش

 

دلسیزین باغرینی دَلمیش؛ایری قالمیش دوزو ایمیش

 

اونو خوشلار بو فلک:ائل ساراسین سئللر آپارسین

 

بولبول حسرت چکه رک گول ثمرین یئللر آپارسین

 

قیسی چوللر ده قویوب لیلینی محمیلر آپارسین

 

خسروئی شیرینیله ال اله وئرسین،فرهادین

 

 قامتین اگسین 

 

باخاراق چرخ زامان نشئیه گلسین

 

کئفه دولسون،سوری لار سولسادا سولسون

 

بیری باش یولسادا یولسون

 

سیسقا بیر اولدوز اگر اولماسا اولدوزلار ایچینده بو

 

 سما ظلمته باتماز

 

داش آتان کول باشی قویموش  داشینی اوزگیه آتماز

 

سن یئتیشسن هدفه اوندا فلک مقصده چاتماز،

 

داها افسانه یاراتماز

 

سوری ای باشی بلالی زامانین قانلی غزالی

 

سوری بیر گوشدی خزان آیری سالیبدور یوواسیندان

 

ال اوزوبدور آتاسیندان

 

جوجه دیر حیف اولا سود گورمییب اصلا آناسیندان

 

او زلیخا کیمی یوسیف ائیین آلمیر لیباسیندان

 

بونا قانع دی تنفس اده بیر یار هاواسیندان

 

درد وئرن درده سالوب آمما خبر یوخ داواسیندان

 

آغلایوب سیتقایاراق بهره آپارمیر دوعاسینان

 

او بیر آئینه دی رسام چکوب اوستونه زنگار اوندا،یوخ قدرت گفتار

 

اوزی چیرکین دیلی بیمار،گنج وقتینده دل آزار

 

گوره سن کیم دی خطا کار،گوره سن کیم دی خطا کار؟

 

1 Rəy

 تورکی شعرلر اوشاق لار اوچون

الیفبا

الیفبانی   اؤیره   ندیم

تانی   ییرام    حرفلری

هئچ الیمده ن قویمارام

کیتاب  ،  قلم  ، دفتری

ایندی    آنـا     دیلیمده

اوْ   خویورام   ،  یازیرام

کیتاب  لاردان   بیلک لر

اؤیره  نمه یه  حاضیرام

«بختیار وهابزاده»

معللیم

ای    حورمتلی   معللیم

هر   اوره کده   یئرین وار

هر کند ده  هر شه هرده

سنین  مئیوه    لرین  وار

اکدی   یین     آغاجلارین

گولو  چیچه یی  سولماز

دونیا دا    سنین   کیمی

بارلی   حیـات    تاپیلماز

«بختیار وهابزاده»


اوشاق  و  بوز

ده رسه گئدن بیر اوشاق

چیخدی بوز اوسته قوچاق

سوروشدو   بیرده ن  بیره

دوشدو  اوز  اوسته   یئره

دور دو  اوشاق  نئیله دی

بوزا   بئله  سؤیله   دی :

سن   نه  یامانسان  آبوز

آدام      ییخانسان    آبوز

آز قالیب  عؤمرون  سنین

یـاز   گلـر    آرتـار   غمین

اری ییب  سویا  دؤنرسن

آخیب  چایا   گئده  رسن

«علی اکبر صابیر»

معاصیر ادبیاتمیزدان بیر شعر:

یاغدی یاغیش نارین- نارین،

اریتدی داغلارین قارین،

گولون دردیک ایلک باهارین،

سنین یئرین گؤرسنیردی.

 

چیچکله کؤچدو،چیچک آچدی،

قاتار- قاتاردورنااوچدو،

یاسمنلرعطیرساچدی،

سنین یئرین گؤرسه نیردی.

 

سئیره چیخدی بوتون ائللر،

جمع الموشدوقرنفیل لر،

قوورائیله دیکجه نیسگیل لر،

سنین یئرین گؤرسه نیردی.

 

کؤک ائیله دی عاشیق سازین،

آدین چکدی خان ایوازین،

اوجالدیقجاسازآوازین،

سنین یئرین گؤرسه نیردی.

 

سؤزلرینده اوشاقلارین،

گول اوزلوآل یاناقلارین،

سیراسیندا قوناقلارین،

سنین یئرین گؤرسه نیردی.

 

پوزولوردو غصه،کدر،

اوره ییمدن آخشام،سحر،

دیرلدیکجه خاطیره لر،

سنین یئرین گؤرسه نیردی.

 

بایرام گونوشن حالیمدا،

سئوینیردی ماحالیم دا،

منیم شاعرخیالیمدا،

سنین یئرین گؤرسنیردی.

 

شهرک میرزا

کؤنول سازی

کؤنول سازی ، دیلله ننده

تئل لر گولر، ساز دانشیار

باهار فصلی ، طبیعته

نفس گلر ، یاز دانیشار

شادلیق اولار ،‌بوتون ائلده

چوبان نئی یین ، چالار چؤلده

محببت له ، دولان گؤلده

اؤرده ک اوزه ر ، قاز دانیشار

«ناصری» یم‌، سؤزوم حاق دیر

سانکی یاشیل ، بیر یارپاق دیر

ائلده  قایدا  ،  بو سایاق دیر

چوخ  دوشونن   ،  آزدانیشار

«علی ناصری»


آذربایجان

من بیر اوشاق ، سن بیر آنا

او دور کی باغلی یام سانا

هانسی سمته هانسی یانا

هئی اوچام دا یووام سن سن

ائلیم گولوم اوبام سن سن

داغلاری نین باشی قاردیر

آغ اؤرپه یین بولودلار دیر

بؤیوک بیر کئچمیشین واردیر

بیلینمه ییر یاشین سنین

نه لر چکمیش باشین سنین

سیرا داغلار گئن بره لر

اوره ک آچان منظره لر

جئیران قاچار جویور مه لر

نه چوخدور اویلاغین سنین

آرانین یایلاغین سنین.

«صمد وروغون»

آنا

● 

 

باخیشیندا مین حیکمت وار مین معنا

گولوشونده اوره‌ک سؤزون دیلله‌نیر.

او گولومسر دوداغیندا آی آنا

آرزولارین چیچک‌لری گول‌له‌نیر ؛

گولوشونده اوره‌ک سؤزون دیلله‌نیر

سیلینمه‌سین دوداغیندان گولوش‌لر ؛

سن گولنده اوره‌ک گولور ، گؤز گولور.

گولوشونله اوره‌ییمده نه قد‌ه‌ر –

آرزو گولور ، دیلک گولور ، سؤز گولور ؛

سن گولنده اوره‌ک گولور ، گؤز گولور .

آیریلیغین اود قالاییر سینه‌ده ؛

آلوولانیر گؤروشونه اوره‌ییم.

آرزولاریم گول آچماسا ، یئنه‌ده –

وصال عشقی گره‌ییمدیر ، گره‌ییم ؛

آلوولانیر گؤروشونه اوره‌ییم .

ایسته‌رم کی هیجران یئلی اسمه‌سین؛

چیچک دولو آرزوموزون باغینا.

بو آیریلیق قرارینی کسمه‌سین،

امید باغلا شن وصالین چاغینا ؛

چیچک دولو آرزوموزون باغینا.

غم یئمه‌کی بیزیمکی دیر گله‌جک ؛

بیر دوداق گول بلکه هیجران اوسانا.

دوداقلارین قوی آچیلسین چیچک‌تک؛

گله‌جه‌یین دان یئری تک آی آنا!

بیر دوداق گول بلکه هیجران اوسانا.

"قارا گونون عؤمرو آزدیر" – دئیرلر ؛

صاباح وصال غنچه آچار ، گول سایاق.

اولا بیلمز حیات بویو بوته‌هر

سن اوغولسوز ، من آناسیز یاشایاق ؛

صاباح وصال غنچه آچار ، گول سایاق.

<#time#> ||


● 

آد گونو

بو گون آد گونوندور ، ییغیلیب هامی،

ییرمینجی یاشینا دولورسان ایندی.

گؤروشون بورویوب شاعر دونیامی،

شعیرده سنیندی، سؤزده سنیندی.

داغلار اوجا قویسون پاپاغین بو گون،

جوشسون بولاقلارین قاینار اوره‌یی.

مئشه‌لر زومزومه ائتسین سنینچون،

اوخشاسین کؤنلونو باهار کوله‌یی.

یاشیل مئشه‌لرین، سرت قایالارین-

سینه‌سی اوستونده گول آچدی ایزین.

قیش گونو جارچیسی اولدون باهارین،

صاباحا یؤنلدی اوره‌یین، گؤزون.

سئودا یوللاریندا توش اولدون غمه،

مین فیتنه تؤرتدی "قارا ملیک"لر.

بؤیوک گوناه اولموش سئوگی، سن دئمه!

سارای قانونلاری اولاندا ازبر.

دونه‌نین قادالی، بوگونون قانلی،

سول دؤشون اوستونده داغ واردی یئنه.

باشین فیرتینالی، کؤنلون دومانلی

نه حزین باخیرسان آنا وطنه؟!

ییرمینجی قیش کئچیر یاز حیاتیندان،

بو گون آد گونوندور، ییغیلیب هامی.

ائله بیل دایانیب، یئریمیر زامان

گؤروشون بورویوب شاعر دونیامی،

الی بوش دئییلم بو گونونده من،

اؤزومدن قورتاریب، من سن اولموشام.

سنین بولاغ کیمی صداقتیندن-

"آردینجا سورونن کؤلگن اولموشام."

 

حیات فلسفه‌سی /

● 

" اؤلوم قورخولودور ، یاشاماق شیرین "

بو اولوب چوخونون دیلینده شعار.

بوتون ذلت‌لره باش ایسه‌لرده،

بیر آندا بو فیکری اونوتماییرلار.

اسارت زنجیرین الده ، آیاقدا ،

تکجه یاشاماقچون قبول ائدیرلر.

ذلت دونیاسیندا یاشاسالاردا ،

اونلارا بو ذلت ائتمه‌ییر اثر.

حیات یوللاریندا یوخوشلاری یوخ ،

یالنیز ائنیش‌لری به‌یه‌نیر اونلار.

راحات یوللار اوچون یولچو اولماغا،

گلیر باشلارینا مین‌ بیر اویونلار.

لاکین نه دینیرلر نه دانیشیرلار ;

تکجه دوشونورلر : "یاشایاق گره‌ک".

اؤلوم قورخوسوندان گونده‌ مین کره،

اؤلوب دیریلیرلر فیکیر‌لری‌تک.

سورورلر حیاتی ذلت‌لر آرا ;

اؤلو یاشایانلار ، اؤلو قالانلار.

بئله اؤله-اؤله یاشایانلارا

نه دئییر خالقینا فدا اولانلار:

- بیر آن بوش کئچمه‌ییر عؤمور – گونوموز ;

بیر حیات سورموروک اؤلمه‌یه بیر گون.

انسانلیق عشقی‌یله آلیشیریق بیز

اؤلوروک ابدی یاشاماق اوچون.


آتا اؤیودو-

● 

آتا اؤیودو

تیتره‌ک آددیمینلا یئریدین اؤزون؛

آتان قوجاق آچیب "گَل ، گَل" – دئیرکن.

هر بیر آددیمیندا تیتره‌دی دیزین؛

بیر آن پئشمان اولدون یئریمه‌ییندن.

آنجاق کی یئنه‌ده گئتمک ایسته‌دین؛

آخی اوزاتمیشدی الینی آتان.

هیجان ایچینده چیر‌پیردی قلبین،

قورخوردون یئری‌ییب، ییخیلماغیندان.

بو قورخو دوشدوکده کؤرپه قلبینه،

ییخیلدین؛

چاپیلدی اوز-گؤزون سنین.

اوآن دولوخسونوب باخدین دیزینه؛

ساندین کی دیزلرین اولوب دوشمنین.

کؤوره‌لدین،

آغلادین ییخیلدیقدا سن؛

آمما جان آتمادین یئردن قالخماغا.

آتا دیزلرینی قوجاقلایارکن

چالیشدین یئریندن قالخدین آیاغا.

اومدون اؤزگه دیزدن اؤزونه کؤمک؛

حیات یوللاریندا ییخیلاندا ‌سن.

اوغول!

آیاق اوسته دورماغا گره‌ک

یالنیز گوج آلاسان اؤز دیزلریندن.

چالیش اؤز آیاغین اوستونده دایان؛

قوی ایتسین اوره‌کدن قورخو دوشمنین.

اؤزگه‌نین دیزینه دایانماغیندان

یاخشی‌دیر چاپیلا اوز-گؤزون سنین ...

 

تئللی ساز -

● 

تئللی ساز

چال عاشیق ، چال!

دوشمه دیلدن ، دورما سس‌سال.

اولماسین کؤکسونده سؤزلر بویله پامال.

چال‌کی قور ساچسین سازیندان ، قوی کؤزرسین اودلو تونقال

تئللی سازین چال ، عاشیق چال !

چال کی گوج وار گور سسینده ،

سوسما بیر آن ، یاتما غملر کؤلگه‌سینده ،

سوسماق عاردیر بابکین بو شانلی اودلار اؤلکه‌سینده ،

چال کی دیللنسین او تئللر "جنگی"‌تک ائل نغمه‌سینده ،

"قوچ کور‌اوغلو" نعره‌سینده.

چال پوزولسون ساز تئلیندن غملی چاغلار،

قول- قولا وئرسین سسینله "جنگی" اوستونده قوچاقلار.

"یاللی" گئتسین‌لر اره‌نلر ، تیتره‌سین یالچینلی داغلار،

چال آلوولانسین یئنه اودلار دیاریندا اوجاقلار،

چال یاراقلانسین قاچاقلار.

چال عاشیق ، اسکیلمه‌سین مضراب داراغی ساز تئلیندن،

مرد ایگید قویماز سیلاحی بیرجه آن دوشسون الیندن.

سؤیله داستانلار ، ایگیدلر مسکنی شانلی ائلیندن،

"بز داغی"ندان ، "خان آراز"دان ، بیرده‌کی "چنلی بئل"یندن،

دوشمه‌سین نغمه دیلیندن.

صاباحکی گونلر

بؤیوک بیر ایناملا –

عشقیمیز اوچون

محبت تئلینه باغلانمیشیق بیز.

صاباحکی گونلرین عشقی‌یله بوگون –

قوی قوشا دؤیونسون اوره‌ک‌لریمیز.

اراده

کئچیریک داغلارین سرت سینه‌سیندن

سازاق‌دیر ،

چی‌یینده آغیر یوکوموز

بورویوب یوللاری سویوق ، دومان ، چن

لاکین زیروه‌یه‌دک گئتمه‌لی‌ییک بیز.

خالق

دئدیلر ازلدن حقٌی سؤیله‌مک

انسانین دونیادا نجابتی‌دیر

دئییره‌م : انسانین نجابتی تک

خالقا باغلی‌لیقدا شرافتی‌دیر.

وجدان

دونیادا بر-بزه‌ک چؤخدور انسانا

نه چیخار ظاهری گؤزه‌للشمک‌دن

گؤزه‌للیک باغلی‌دیر تکجه وجدانا

چالیش‌ کی حفظ ائله وجدانینی ‌سن


اوچ شعر /

● 

وطن

آنامیز سودویله بسله‌ییبسه‌ده

بؤیودوب قوینوندا بو دیار بیزی

حیات یوللارینی بیز گئده - گئده

بیر آن اونوتمایاق وطنیمیزی.

 

دیل ، وطن

آنا کلمه‌سیله معنایا دولار

آنا وطنیمیز ، آنا دیلیمیز

دوغروسو آناسیز یاشاماق اولار

یاشاماق چتین‌دیر دیلسیز ، وطنسیز.

 

کؤک

بیز اودلار یوردونون اولادی‌ییق‌سا

نسلیمیز آلوودان یارانیب دئمک.

کؤکوموز اود اولوب ،

دیلیمیز آتش،

بو کؤکون اوستونده بوی آتاق گره‌ک.

 

 

آذربـایــــــجان

عزیـز آذربایــــــــــجان ای گوزل دیار،

آنامـین مــــهریــبان قوجــاقی سنسـن،

کونول طرلانینین اوچوپ قونـــدوغی،

اونون چوخ سودیگی بوداغی سنسن!

سنسن دوشوندوگوم سنسن آندیغیم،

مـــنیم بو دونــــــیادا آرخالاند یغــیم،

یـــــئتر آلیشدیغـــیم یــئتر یا ندیغــیم،

شعریمین قلبیمین سوراغی سنسن!

قوی آچسین کونلیمی سوزلریم منیم،

سندن نجات اومـــورگوزلریم مــــنیم،

هـــــله اگیلمه­ییب دیـــــزلریم مـــنیم،

چونکو او دیـزلرین دایاغی سـنسن!

دئسم ده وورغونام دیــوانه ســانما،

من کی اوز اوغلونام بیگانه ســانما،

بیر شمسیز آتشسیز پروانه ســانما،

یاندیغیم اودلارین اوجاغی ســنسن!

چوخ واخت اومود وئریر بوائللر منه،

گـــلیب قوشــولورلار چون ائـللر منه،

آچیر اوز ســــیرینی کونــــوللر مـــنه،

دییر یوردوموزون قوناقی ســـــنسن!

نه اولار کی کونلوم بــیر لاله اولـسا،

بـاهــارین الـــینده پــــیاله اولــــــسا،

آزادلـیق دونـــــیایا شــــلاله اولـــسا،

اونون قایـــنادیغی بولاغی ســـنسن!

ســــیـخسادا نه قــدر روزگار مــــنی،

یاندیریب یاخــسادا انــــتظار مـــــنی،

بوغـــــماز فـــــرتانالار دریالار منی،

چون آغیر گونومین مایاغی سنسن!

قوی بیلسین ای وطن هرآلچاق یاغی،

سولســون او کونلینین امید یارپاغی،

ســن بابک یوردوسان آذر توپراغی،

آصــلانلار اویلاغی یاتاغی ســـنسن!

بـــیلسینلر اگــیلمز او شـاه وقاریــن،

ئونــینده هیچ زامان غـضبکارلارین،

گوندوز گونـــشیسن بــــیزیم دیارین،

گئجه یانـــدیردیغی چراغی ســـنسن!

(شعر: بالاش آذر اوغلی)

 

 

آذربـایــــــجان

قــیزیل گونش گوی اوزونده گـولنده،

نغمه سینی قوشلار باغ- باغ بـولنده،

من گوز آچـــیب، بو دونـــــیایا گلنده،

بخت اولدوزوم بورادا یانان اولوبدور

ایلک بئشیگیم آذربایــجان اولــوبدور

تاپـپور- توپـپور آددیم آتیب، گـزمیشم،

گوله باتــیب، شـئهه باتــیب، گزمیشم،

الــلریمدن آنام تــوتوب، گــــــــزمیشم،

سئوینجیمیز جوشغون عمان اولوبدور

ایلک بئشیگیم آذربایــجان اولــــوبدور

یوللار آچیب قوجـاغینی، گل، دئییب،

ســنینله دیر اوبا دئـییب، ائل دئـییب،

اوره گـیمین سـوزلرینی دیـل دئـییب،

کونلوم سوزله دولو جهان اولوبدور

ایلک بئشیگیم آذربایــجان اولوبدور

بعضا یولوم یوخوش اولوب، قالــخمیشام،

هارای سالیب، شیمشک کیمی چاخمیشام،

نـــــغمه اولوب، ا وره کـــــــلره آخمیشام،

ائل ســـــئوگیسی منه بــــــیان اولـــوبدور

ایــلک بئشیگیم آذربایــجان اولــوبدور

سئوینجیمه گوز دولوسو گوله نیم،

نـیسگیلیمی، ا یــستگیمی بـیله نیم،

دار آیـــــــاقدا هارایـــــــما گله نیم،

هاواداریم هر بـیر زامان اولـوبدور

ایلک بئشیگیم آذربایجان اولوبدور

چاغــلاماقی بولاقــــلاردان آلــــمیشام،

بوی آتــماقی قوواقــلاردان آلـــمیشام،

عـــــظمتی بو داغــــلاردان آلـــمیشام،

هر داش - قـایا جانا درمان اولــوبدور

ایلک بــئشیگیم آذربایــجان اولـوبدور

بـختیمیزی قـیزیل گـونش اویاددی،

بیز حیاتی، حیات بـیزی اوجالتدی،

ائلیم اوبام ظـــفرلره بـوی آتــــدی،

دونیا بیلدی تزه دووران اولـوبدور

ایلک بئشیگیم آذربایجان اولوبدور

شـــفق ینه ناخیش ســــالیر یولـــلارا،

امک گولور، قــــوت گــــلیر قولــلارا،

بو ثـــروته، بـو جــــــلالا، بـــــو وارا،

طــــبیعت ده، دوزو، حئیران اولوبدور

ایلک بئشیگیم آذربایــجان اولــــوبدور

لایلالاریـــم قــــوت وئــریب جانیما،

لایلایـــــم چـون قربـان اولوم آناما،

بو آنـــــــالی بـو لایـــلالی دونـیاما،

دوغما تورپاق نه مهربان اولوبدور

ایلک بئشیگیم آذربایجان اولوبـدور

یواسی وار کورپه جــه بیر قوشون دا،

مــــعناسـی وار قــایانین دا، داشین دا،

نه یاخشی کی، کونلوم جوشوب، داشاندا،

نــــــغمه بــوردا یــــووالانان اولـوبدور

ایلک بـــــئشیگیم آذربایـجان اولـوبدور

               شعیر: مدینه گولگون

 

آذربـایــــــجان

چوخ کئچمیشم بو داغلاردان،

دورنا گوزلی بولاقلاردان،

ائشیتمیشم اوزاقلاردان،

ساکت آخان آرازلاری،

سینامیشام دوستی یاری ...

ائل بیلیر کی، سن منیمسن،

یوردوم یووام، مسکنیمسن،

آنام، دوغما وطنیمسن!

آیریلارمی کونول جاندان؟

آذربایجان، آذربایجان!

من بیر اوشاق، سن بیر آنا،

اودور کی، باغلییام سانا،

هانکی سمته، هانکی یانا،

هی اوچسامدا یووام سنسن،

ائلیم، گونوم، اوبام سنسن!

فقط سندن گن دوشنده،

آیریلیق مندن دوشنده،

ساچلاریما دن دوشنده،

بوغار آیلار، ایللر منی،

قیناماسین ائللر منی

داغلارینین باشی قاردیر،

آغ ئورپگین بولوتلاردیر،

بویوک بیر کئچمیشین واردیر،

بیلینمه ییر یاشین سنسین،

نه لر چکمیش باشین سنین.

دوشدون اوغورسوز دیللره،

نحس آیلارا، نحس ایللره،

نسیللردن نسیللره،

کچن بیر شهرتین واردیر

اوغلون قیزین بختیاردیر ...

هی باخیرام بو دوزلره،

آلا گوزلی گوندوزلره،

قارا خاللی آغ اوزلره،

کونول ایستر شعر یازا

گنجله شیرم یازا- یازا ...

بیر طرفین بحر خزر،

یاشیل باش سونالار گزر،

خیالیم دولانار گزر،

گاه موغانی، گاه ائلداری،

منزل اوزاق عومور یاری!

سیرا داغلار، گن دره لر،

اوره ک آچان منظره لر،

جیران قاچار، جویور مه لر،

نه چوخدور اولاغین سنین!

آرانین، یایلاغین سنین!

کئچ بو داغدان بو آراندان،

آستارادان، لنکراندان،

آفریقادان، هندوستاندان،

قوناق گلیر بیزه قوشلار،

ظلم الندن قورتولموشلار ...

بو یرده لیمون ساری،

اکیر، سالیر بوداقلاری،

داغلارینین دوم آغ قاری،

یارانمیشدیر قارلی قیشدان،

بیر سنگردیر یارانیشدان،

لنکرانین گلی رنگ - رنگ،

یودوموزون قیزلاری تک،

دمله چایی، توک وئر گوره ک،

آنامین دیلبر گلینی!

یادلارا آچما الینی!

ساری سنبل بیزیم چوره ک،

پامبوغوموز چیچک-چیچک،

هر اوزومدن بیر شیره چک،

سحر- سحر آج قارینا،

قوت اولسون قوللارینا

مین قازاخدان کوهلن آتا،

یالمانینا یاتا- یاتا،

آت قان تره باتا- باتا،

گوی یایلاقلار بئلینه قالخ،

کپز داغدان گوی گوله باخ!

ای آزاد گون، آزاد اینسان،

دویونجا ایچ بو باهاردان!

بیزیم خاللی خالچالاردان

سر چینارلار کولگه سینده

آلقیش گونش اولکه سینه

کونلوم کچیر قاراباغدان،

گاه بو داغدان، گاه او داغدان،

آخشام اوستو قوی اوزاقدان،

ها والانسین خانین سسی،

قاراباغین شیکسته سی

گوزل وطن، معنان درین،

بشیگیسن گوزللرین!

عاشیق دییه ر سرین - سرین،

سن گونشین قوجاغیسان،

شعر، صنعت اوجاغیسان

ئولمز کونول، ئولمز اثر،

نظامیلر، فوضولیلر!

الین قلم، سینه ن دفتر،

ده گلسین هر نه یین واردیر،

دئیلن سوز یادیگاردیر

بیر دون بیزیم باکی یه باخ،

ساحیللری چراغ- چراغ،

بوروقلارین هایقیراراق،

نعره سالیر بوز چوللره،

ایشیقلانیر هر داغ، دره

نازلاندیقجا سرین کولک،

ساحیللره سینه گرک،

بیزیم باکی بیزیم اورک!

ایشیقدادیر قوت سوزی،

سحرین اولکر گوزی

گوزل وطن! اوگون کی، سن

آل بایراقلی بیر سحردن

ایلهام آلدین، یاراندیم من

گولور تورپاق، گولور اینسان،

قوجا شرقین قاپیسی سان!

دینله منی، گوزل وطن!

بیر سوز گلیر اوره گیمدن:

خلقیمیزین عشقیله سن

گوله جکسن هر بیر زامان،

آذربایجان، آذربایجان!

(شعر: صمد وورغون)

 

آذربـایــــــجان

ای اودلار وطنی، هر اویلاغیندا

قیر آتین، بوز آتین ایزلری واردیر،

بو شاه وقاریندا، بو نوراغیندا

او قوچ کوراوغلودان بیر یادیگاردیر،

بو قدیم قلعه لر، بو قارلی داغلار

اونون هیکلینی قوینوندا ساخلار،

بوردا قیلینج وورموش بابک، جوانشیر

قوروموش یادلاردان آنا یوردومی،

نه بیر باسغین ائدن، نه بیر جهانگیر

باتیرا بیلمه میش قانا یوردومی،

عومرونین گنج چاغی ایگیت ستارخان

فقط سندن ئوتری کئچدی جانیندان،

ایندی بویوتدیگین بو اصلانلارین

اصلا اونوتماییر ئوز اجدادینی،

ناموسلی، غیرتلی قهرمانلارین

قانیله قازاندی ئوز حیاتینی،

ستالین عصرینین مرد اوغوللاری

آچدی اللریله باغلی قوللاری،

سنینده باغیندا نو باهار کیمی

تازه غنچه له نیر گول آذربایجان،

بزه ن باشدان باشا لاله زار کیمی

سئوین آذربایجان، گول آذربایجان!

ائللر باخیب سنه ئوگونسین باری

آچیلسین آلینینین قیریشیقلاری،

بو دوری گورسیدی عاشق علی عسگر

منیم تک اونیندا قلبی جوشاردی،

گوتوروب سازینی هر آخشام - سحر

بو آزاد گونلره نغمه قوشاردی،

قالسیدی یازاردی بویوک نظامی

زنگین قلمیله بو خوش ایامی،

قوی اوجا داغلارین وئرسین باش - باشا

یارسین دومانلاری اورتادان باری،

بو گوزل حوسنینه ائتسین تاماشا

بولوتسوز گوگلرین آغ اولدوزلاری،

گورسونلر قیزیلدیر بو یئر، بو توپراق

جنت گوگده دگیل، یئرده دیر آنجاق!

بو باهار، بو شیرین میوه لی باغلار

بیزه بابالاردان بیر خاطراتد یر،

بو سرین چشمه لر، آینا بولاقلار

آذر اولادینا آب حیاتدیر،

بو ساری سونبوللو چوللر سنیندیر

یاشیل منظره لی گوللر سنیندیر،

شهرتین بوروموش بوتون عالمی

شرقین یاراشیغی، افتخاریسان،

اونون گوگلرینده آل گونش کیمی

شفقلر ایچینده یان آذربایجان،

سعادته دوغرو یئریدیکجه سن

خلقه ظفرلر دیله ییرم من،

(شعر: علی توده)

<#time#> ||


ای اهل دل فنانی قویون باری آغلاتسین
اغیاره چونکی یار اولوب یاری آغلاسین
منع ائتمک عاشقی نه روا آه و زاردان؟
چون دردی وار قویون کی سیزی تاری آغلاسین
گیزلین خیالی وارکی بیله آه و زار ائدر
ئوز حالینه قویون بو دل افکاری آغلاسین
بولبول نواسی بی سبب اولماز بوباغدا
گؤر دوکجه هر زمان گول ایله خاری آغلاسین
هجران یار اولدی سبب آغلاماغینا
یا رب گؤروم همیشه سبب کاری آغلاسین
ویرسین الیله باشینا هر شام تا سحر
یاره ، غم ایچره اولمادی غمخواری آغلاسین
شام فراغیده قالیبسان زار و خسته حال
سالدیقجا یاده اول مه رخسای آغلاسین
سسلندی ناتوانه کی ارباب غم تمام
حال فنایه جمع اولوب ائلجاری آغلاسین
خورشید بانو ناتوان

__________________


اولدوز چوخدور آنجاق آی بیردنه‌دیر
قادین چوخدور آنجاق آنا بیر دنه‌دیر
اؤلکه چوخدور آنجاق وطن بیردنه‌دیر رسول حمزه‌اف

 


آراز کیمین آخیـــــرام

یاندیریرام یاخیـــــرام

گوزلرینده گوزوم وار

حسرتیله باخیـــــــرام


سویو دورولدو گئتدی

من دئدیم یار اینجیدی

دئمه یورولدو گئتــدی


دیبی نین داشی منـــم

هر یاندا غریب اولسا

اونون یولداشی منـــم


گتیر دسمالین دوشه

آراسینا گول قویـوم

دورسینه بنوشــــــه


سویوندان ایچه ن هانی ؟

یاخشی ایله یامانــــــــــی

ایل ایچره سئچه ن هانی؟

آرازی ایردیلار

قوموینان دولدوردولار

من سندن آیریلمازدیم

زور ایله آیردیلار

آراز آخیر قیقاجی
جوت گزیر ایکی باجی
بیری منیم ائوز یاریم
بیری باشیمین تاجی

__________________


بیر گلین اؤزونو قایادان آتدی 

داغلار او گؤزله ساخلاسین یاسی 

چیرپیلدی داشلارا عؤمور آیناسی 




بیر گلین اؤزونو قایادان آتدی 


*



اوخ اولوب نامردین گؤزونه باتدی 


بیر گلین اؤزونو قایادان آتدی 


*


باغدی هلاکته قایا آغلادی  


دره لر یاس توتوب ، ماتمه باتدی 



*

بیر عؤمرون باهاری دؤندو ترسینه
 

کؤرپه هارایینا ، آنا سه سینه 



*گوله لر باغرینی شان - شان ائیله دی
 

داغلار مارالینی جاندان ائیله دی
 

عصمتی اوزونه قالخان ائیله دی 


بیر گلین اؤزونو قایادان آتدی
 

*گیلئیلی دن گلدی منه بو یازی
 

بوتون آشیقلارین آغلادی سازی
 

داغلارین قوینوندا او داغلار قیزی
 

اؤزونه داغ بویدا هئیکل اوجالتدی
 

بیر گلین اؤزونو قایادان آتدی 


عیسی قاراخانلو

  

MƏMMƏD   ARAZ

AZƏRBAYCAN - DÜNYAM MƏNİM

Azərbaycan - qayalarda

                             bitən bir çiçək,

Azərbaycan - çiçəklərin içində qaya.

Mənim könlüm bu torpağı

                              vəsf eləyərək

Azərbaycan dünyasından

                              baxar dünyaya.

Azərbaycan - mayası nur,

                               qayəsi nur ki

Hər daşından alov dilli ox ola bilər.

Azərbaycan!” deyiləndə ayağa dur ki,

Füzulinin ürəyinə toxuna bilər.

Oğulları Kür gəzdirər biləklərində,

Oğulların göz atəşi

                                gözəl əridir.

Azərbaycan səhərinin bəbəklərində

Qütb ulduzu, dan ulduzu gözəlləridir.

Tariximə qara xətli hicri, miladi

Qılıncların qan ağzıyla yazılmadımı!

Babaların boz çöllərə bənzər muradı

Üç rəng bayraq

                       dalğasından yaz almadımı!

İllər olub, kürələrdə dəmir olmuşuq,

Sərhədlərdə dayanmışıq küləkdən ayıq.

Od gölündə,

                        buz çölündə gəmi olmuşuq,

Biz Bakının ilk səadət carçılarıyıq.

Min illərlə zülmətlərə yollar açıqdı,

Dalğalandı Sabirlərin

                         ümman dünyası,

Azərbaycan qatarı da yollara çıxdı

Dağılanda  Qoca Şərqin duman dünyası.

Azərbaycan - mayası nur

Qayəsi nur ki

Hər daşından alov dilli ox ola bilər.

Azərbaycan” deyiləndə

                           ayağa dur ki,

Ana yurdun ürəyinə toxuna bilər.

Vətən mənə oğul desə - Məmməd Araz

Buyruqlara sığışmayan inaddım,

Çox qanadlar yorub salan qanaddım.

Ulduzlara yumruq düyüb, daş atdım;

Nizamlara baş əyməzdi nizamım.

 

Qayaları haçalardı qüdrətim,

Buludları parçalardı qüdrətim,

Şimşəkləri qıçalardı qüdrətim,

Yorulanda nur mizrablı ozanım.

 

O selablar seleliyim yalanmış,

Ötən günlər çalağanmış, çalanmış.

Bircə kövrək xatirələr qalanmış,

Onu da ki, ha çevirim, ha sanım...

 

Vətən mənə oğul desə nə dərdim,

Mamır olub qayasında bitərdim.

Bu torpaqsız harda, nə vaxt, nə dərdim-

Xəzanımdır, xəzanımdır, xəzanım.

Dünənimi döşdən asan deyiləm,

Dünənimə qəbir qazan deyiləm.

Ürəyimsiz kəlmə yazan deyiləm,

Nə qədər ki, öz əlimdi yazanım

ABBAS  SƏHHƏT

 

VƏTƏN

 

Könlümün sevgili məhbubu mənim

Vətənimdir, Vətənimdir, Vətənim.

Məni xəlq eyləmiş əvvəlcə xuda,

Sonra vermiş Vətənim nəşvü- nüma.

Vətənim verdi mənə nanü- nəmək,

Vətəni, məncə, unutmaq nə demək?!

Anadır hər kişiyə öz Vətəni:

Bəsləyib sinəsi üstündə onu.

Südüdür kim, dolanıb qanım olub,

O mənim sevgili cananım olub,

Saxlaram gözlərim üstə onu mən,

Ölərəm, əldən əgər getsə Vətən.

Vətənin neməti nisyan olmaz,

Naxələflər ona qurban olmaz.

Vətən - əcdadımızın mədfənidir.

Vətən - övladmızın məskənidir.

Vətəni sevməyən insan olmaz,

                               

نه اولدو حیاتدان کدریم شنیم 

خزانا تالاندی یاشیل چمنیم 

مین یئره بؤلوندو تورپاغیم منیم 

نه دن آغلاماییم نه دن دئه منه!!!؟ 

منی دوغرادیلار بؤلدولر منی 

قانلی دوداقلاردا گولدولر منی 

آخیردا کیمسه سیز بیلدیلر منی 

دیریلیک یاراشار دیدرگین منه!!!؟

**********

ایندی اؤز ایچیمده آلیشیرام من 

آغیر گونلریمده چالیشیرام من  

بوز - بوز آداملارا قاریشیرام من 

گؤزلریم دوتولوب دوشموشم چنه!

**********

آنجاق بیر گئجه دن گله جه یم من 

سحرین قوینیندا گوله جه یم من 

اؤلسم وطنیمده اؤله جه یم من 

((کیمسه آغلاماسین اؤلنده منه))

**********

بورادا سؤیله دیم دردیمی سیزه 

یاخیندیر او گونلر ، یاخیندیر بیزه 

آراز ساحیلیندن آنا تبریزه 

اومود یایاجاغام من دؤنه - دؤنه 

جان قوربان ائدره ک عزیز وطنه

Qara Dastan

Kimsə bilməz Tanrıdağın yaşını,
Duman almış altayların başını
Uçurmuşdur başdan dövlət quşunu,
Sərvətinə yüz çevirmiş zaman hey...
Qoca türkün düşdüyü dərd yaman hey...
Dörd bir yana dağılmış türk soyları,
Sönmüş ocaq, köçüb getmiş boyları
Dərdli-dərdli axar bozqır çayları
Saxlar içdən gizli ümid, güman hey...
Qoca Türkün düşdüyü dərd yaman hey...

Xarab olmuş Buxarası, Başkəndi,
Matəm tutmuş Səmərqəndi, Daşkəndi
Kəndi sölər, tökər gözdən yaş kəndi
Nə ozan var, nə yazan, na şaman hey...
Qoca türkün düşdüyü dərd yaman hey...

Qazan, Başqurd batmış, Qırım sürülmüş,
Mənim çəkik gözlü yarım sürülmüş
Qonum-qonşum, bütün varım sürülmüş
Bulunurmu Sibiryada iman hey...?
Qoca Türkün düşdüyü dərd yaman hey...

Türk elləri bir-birinə yadlanır,
Qazax, Qırğız, Türkmən, Özbək adlanır
Azəri Türk yanar, içdən odlanır
Ana yurdun içdən halı duman hey...
Qoca Türkün düşdüyü dərd yaman hey...

Orqun çağlar, yatmış ellər ayılmaz,
Tarım çayı doğru yola qoyulmaz
Hey səslənir Amu-Dərya, duyulmaz
Sir-Dəryada qalmamışdır dərman hey...
Qoca Türkün düşdüyü dərd yaman hey...

Xəzər coşar, xəbər salar Kürünə,
Axıb gedər Kür sürünə-sürünə
İdil ağlar Altın Ordu yədinə
Aral kəndi varlığında peşman hey...
Qoca Türkün düşdüyü dərd yaman hey...

Azərbaycan dərd içində boğulmuş,
Sevənləri diyar-diyar qovulmuş
Ağla, şair, ağla yurdun dağılmış
Nerde qopuz, nerde qırıq kaman hey...
Nerde böyük Vətən,- nerde Turan hey...?

Azərbaycanın Türkçü şairi Almas İldırım

عدالت

اگر اجرا اولا دوز گون عدالت
آلا ظالیم ده ن اوز حقین بو میلت
وطن جنت اولار ملت ملاکه
یوکون باغلار بئله یئرده ن جهالت
نه لازیمدیر قوشون عادل امیره
اگر همسایه لر ائتسه شرارت
جماعت توپلاشیب آرتش اولارلار
نفس چکماقینا وئرمزله مهلت
ائیله تنبیه ائدلر بیرلیک له
جهان تاوار ائده بیلمز جسارت
سوسوز دور عدلیله انصافه مردم
نقدری تشنه قالسین بو جماعت
علی ایستیر الینده ذولفقاری
ائده ال سیز ایاق سیزدان حیمایت
او کس دوزگون ائده ر قانونی اجرا
اؤزو هئچ ائتمییه ذره خیانت
گره ک حاکیم علی ده ن درسین آلسین
کی اولسون منبع عدل و شجاعت
نه دیر ایستکلری خلقین خداده ن
عدالت دیر عدالت دیر عدالت
قورو سؤزله بو میلت ایصلاح اولماز
قلینج ایستیر ائده حقه هدایت
اوتودسا ، ظالیمی قانون یئرینده
چکه هیهات یوخسولار مذلت
اگر قانون اولا یکسان ایجرا
کیم ائت مز بئله قانوندان اطاعت
اگر بئل باغلاسیدی رهبره خلق
یئتردی عزته چکمزدی ذلت
بئله لازیمدی یازسین (نجار اوغلو)
جماعت ایستیر اجرای عدالت
نجار اوغلو 

 

غزل و غزال

بو گئجه باده ایله دفع ملال ائیله میشم،
عؤمرون بیر گئجه سینده بئله حال ائیله میشم.
بیز هارا، تار هارا، یا رب، گئجه مئیخانه هارا؟
اونودوب دردی بو ایّامدا مجال ائیله میشم.
ساقی نین غمزه سی اوخ، مئی جامی اولموش سپریم،
فلکین جؤورو ایله جنگ و جدال ائیله میشم.
مئی دمیر تک ائله ییب جانیمی، غمله ووروشوم،
غم دئمه، دوشمنیمی روستم زال ائیله میشم.
آجی ایامی شیرین ائتمگه سرخوش دولانیب،
کؤنلومو ایندی اسیر خط و خال ائیله میش.
گؤرموشم من اوزونون یاری سینی، تک قاشینی،
ای اوزونده نئجه گؤر سئیر هلال ائیله میش
گئتمیش هیجران اوروجو گؤرجک هلال قاشلارینی،
بایرام اولموش بو گؤروش عزم و وصال ائیله میشم.
گؤرموشم اوزده او زرّین تئلی پروانه کیمی،
یانمیشام اودلارا، ترک پروبال ائیله میشم.
عشق درسی منه اؤیرتسه ده هیجران غمینی،
عشقه دوشمکله بئله کسب کمال ائیله میشم.
یاتماییب صوبحه کیمی من گئجه گون اوزلو یارین،
سینه سی گوزگوم اولوب، سئیر جمال ائیله میشم.
ساقی نین زلفونه عشق باغلاماسا عؤمرو اگر،
من بئله درک ائله ییب، بؤیله خیال ائیله میشم.
شهریارا غزل ائتمیش منی جئیران، گؤزلیم،
گؤر غزل ایله نئجه صید غزال ائیله میشم 

 

 

استاد شهریار

آچیل سحر،اویان گونش!

آچیل بو سون نفسده، بو قارانلیق قفسده، سن ایله من تاپیم یئنی حیات.

ایشیقلارین ساچیلسین، چیچک لریم آچیلسین، بو ائل لره باغیشلاسین نجات.

من...   صبح آچیلار کن،

گئچمه لی یم توفانلاردان ، ال اوزوب جاندان ، بو ائل لردن ، انسان لاردان ،

"من یانماسام سا، سن یانماسان، بیز یانماساق،

هانسی آلوولار ایشیق سالار بو یول لارا؟...آه"

گونش دوغار، گولر حیات

چیچک له نر بو کاینات، آغلاما ای گوزلیم!

آغلاماقدان بیرکس

تاپمامیشدیر چاره.

سیل گوزون یاشین، گول ائل لر له بیرلیکده، آزاد اول بو دیرلیکده، شادلیق یاغدیر غمگین ائلیمه!

سیل گوزون یاشین، گول بو شن باهار گولسون، هر بیر لاله زار گولسون،

حیات وئرسین سولموش گولومه!

یازان:  کریم مشروطه چی"سونمز"

                            

تاریخلارا باخدیم من فیکیر وئردیم
بولبول دن سوروشدوم گول ائی یاخشی دیر
گوزل سئوسه ز نجابتین آختارین
دئمه یین آغ اوزده تئلی یاخشی دیر

فرهاد اولا بو داغلاری ها دله
کیپریگین اوخ باغرین باشین ها داله
بد اصیل لر الین وئرر یاد ائله
هر کسه نین طایفاسی- ائلی یاخشی دیر

زامبیر قشم دوستون چاغیر هر آیه
طبیب گلر مرهم سالار یارایه
بایرام آیی دئمک اولماز هر آیه
هر کسه نین آنا دیلی یاخشی دیر!

یازان:  آشیق قشم

بیر گورچین کیمی دنسیز له میشم
بلبلم یازدا چمن سیز له میشم
اسکیدن شانلی شرفلی ائلیدیم
دشمنه قارشی امان سیز سئلیدیم
زیروه سی چنلی دومانلی بئلیدیم
ایندی مدت دی کی چنسیز له میشم
منده اردم لی ارن لر واریمیش
ستارا بابکه تای لار یاشامیش
اوقدر ائل جه بیلن لر یاشامیش
ایندی من ارسیز ارن سیز له میشم
دردمین یوخ آدی عنوانی دئسم
حیرته قالدیریر انسانی دئسم
باشقا بیر سوزله بو معنانی دئسم
اوز دیاریم ده وطن سیز له میشم
درد منی یاندیریر اما اودی یوخ
اونلا آغزیمدا حیاتین دادی یوخ
دئمیرم درد لر ایچینده آدی یوخ
دئییرم من بئله من سیز له میشم
ای منیم من لیگیم ایمدادیمه یت
دور گه بیر منله قووش دادیمه یت
منی باس باغرووا فریادیمه یت
بی لئین کی نئجه سنسیز له میشم

یازان:  آیتک آذر نژاد

 

 

سؤنمه ز قلبیمده کی غضب، انتقام
اگیلمه ک بیلمه ین قیزیل بایراغام
تک بیلمه اؤزینی نه قدر ساغام
توکمه گوزلرینده قان- یاش، اگیلمه!

بو ائله قهرمان اوغوللار گره ک
قوی وطن عشقیله دؤیونسون اوره ک
آتیل جبهه لره گوجینی گوره ک
ایگیدلر اگیلمه ز، قارداش، اگیلمه!

دردین سئوینجیندن مین دفعه آرتیق
سنی ازه جکلر گورونسه ن یازیق
آچ بیر گؤزلرینی، گون دوغور آرتیق
اؤلما بو حیاتدا چاش- پاش، اگیلمه!

کئچیر گئجه ن قارا، گوندوزون قارا
اؤزینه دوست آرا، درد بیله ن آرا
دوشمنلر وورسالار قلبینه یارا
منیم یانیما گل بیر باش، اگیلمه!

سینه م دردلرینه دولو بیر دفتر
ائتمیشه م آدینی دیلیمده ازبر
چونکی اوره گیمدن وئریرسن خبر
منم، من کؤنلونه سیرداش، اگیلمه!

 

یازان:  سلیمان رستم  

 

                                                           ساغدا قالین... آیلین

قانین شهیدلرین قانینا قاتدی
 
بیر گلین اؤزنو قایادان آتدی
 
قارتالدا قایادان قاشینی چاتدی 
باخ یوردون باخ ائلین فاجعه سینه
 
بیر گلین اؤزونو قایادان آتدی 
یاش دؤندو گؤزونده چایا اغلادی
 
بیر کیمسه یئتمه دی هایا ، آغلادی 
کیشی غیرتدیدی ، داغلار گؤزلی
 
بیرجه کؤرپه سیدی اونون نیسگیلی 
غضبدن چاتدادی دوداغی - دیلی 
نه آرزی یا چاتدی ، نه کاما چاتدی 
قوجاغیندا اوچ یاشیندا بالاسی 
آراز دان کئچه ن هانی ؟
آراز قیراغی مئشه
آرازین باشی منــــــم
آراز بورولدی گئتدی
  
نظرات 0 + ارسال نظر
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد