سرگرمی ُهنری و خبری
سرگرم کنندهسرگرمی ُهنری و خبری
سرگرم کنندهشعر صفحه سی
گئدیرم
گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام
شاعیر : وحید شکرزاده
گوزگو
ایکیمیز گوزگو اولاق ، چوخلو شکیللر یارانار
جوت شکیل بیر _ بیری اوسته یئتیشه، هئی قالانار
من اولام بیر سو گولو، سن اولاسان آی چیخاسان
شکیلین دوشسه سو اوسته سُودا تئز پارچالانار
من اولام سو یئری وار، آمما سنه آی چاتماز
بیلیرم آی دا گوره گول اوزووو دالدالانار
بیلیرن هر سحر _ آخشام و گون اور تا چاغی لار
گورمه سم گول اوزووو ، کاسه ی صبریم جالانار
من سنین هر نه یینم ، سن ده منیم هر زادیم اول
مندن ال چکسن اگر بوغدالیغیم آرپالانار
وقتی
دئدیم فلک انصافا گل
دئدی: اوزوم بیلن وقتی
دئدیم :کونول بیر شاد اول گل
دئدی: آغ گون گلن وقتی
دئدیم: او گون ساچیلارمی؟
دئدی :حقدن قاچیرارمی
دئدیم: عینیم آچیلارمی
دئدی: دوسلار گولن وقتی
آزافلی دا غم یامان دیر
دئدی:دردی آت آمان دیر
دئدیم: بایرام نه زمان دیر
دئدی: ظالیم اولن وقتی
بوتون دنیانی من
چوخ گوزللر گوردوم آختاردیم بوتون دنیانی من
تاپمادیم عالمده اوز کونلوم سئون جانانی من
بی نوا پروانه لر تک یئتمه دیم مقصودیما
عشق سوداسیله یاندیردیم بو شیرین جانی من
نازنین ، آهو باخیشلی چوخ پری لر گورموشم
سئو یمه دیم اوز سئو گیلیمدن باشقا بیر جیرانی من
بولبول نالانی یم من بیر گول اوزلی دلبرین
نیلره م هر لاله اوزلی غنچه ی خندانی من
هر گولون بیر عطری وار هر غنچه نین بیر نشئه سی
اولموشام چوخ نازنین لر باغی نین باغبانی من
وار امیدیم وصل جانانه یئتیشسین تئز الیم
آهیله سوندوررم آخر ، آتش هجرانی من
« واحدم » بیمار عشقم ، غیردن یوخ منتیم
دردیمه جانان الیله ائیله رم درمانی من
گولملی SMS لر
سنسن حیاتیمین معناسی ... سنسن سئوگیمین رویاسی ... سنسن دونیامین دونیاسی ... سنی چوخ سئویرم کلم دلماسی
بیر یوواسیز قوشا دؤنسم
گؤزدن آخان یاشا دؤنسم
اینتیظاردان داشا دؤنسم
سنی یاددان چیخاتمارام
نئچه ایل دیر سنی سئویرم ... آنجاق سنی هر زاماندا سئومیشم ... آمما هر دفعه دوداقلارینا یاخینلاشماق ایسته یَنده نیفرتله سیلیب منیآتیرسان...!
امضاـ : فیرتیغ
سنه بیر شئی دیه جاغام آنجاق نه اولور قورخما . دونن دکتره گئتمیشدیم . بویرییمده قوم قلبیمده سنی تاپدیلار
بیر گون میمون ئوز بالاسیلا اوتوروب صحبت ایدیر .میمونون بالاسی آناسیندان سوروشور آنا بیز نیه بو گونده ییک آناسی بالاسینا دییر بالا بیز حله یاخشی یق گور بو اس ام اسی اوخویان نه گونده دیر! 
ایگید بیر دفعه اؤلسه ، قورخاق مین دفعه اؤلر. 
بیر ایشچی بیر تون ( ۱۰۰۰ کیلو) داشی بیرگونده داشیر، ۱۰ نفر بیرساعاتدا
پس دئماخ کی،اگر بیر اوچاغ تهران تبریزی بیر ساعاتدا گلیر، ۱۰ دانااوچاغ ۶ده یقه ده گلیب چاتاجاغ؟؟! 